Fälestinnärneñ Äl-Aqsa brigadaları oyışması üzeneñ ike äğzasen İsrael belän xezmättäşlek itülärendä ğayepläp atıp ütergän. Könbatış Yardağı tabiplar, Nablus şähäre xastaxanäsenä yaqındağı awıldan ike fälestinleneñ üle gäwdäse kiterelde dip xäbär itte. Fälestinnär başlığı Yasser Arafatnıñ Fatah xäräkäteneñ suğışçan qanatı bulğan Al-Aqsa brigadaları bügen bu xaqta belderü yasadı. Tulıraq mäğlümat yuq.
Livannıñ könyağında İsraelneñ xärbi oçqıçların Hizbollah suğışçıları utqa tottı. Ziyan kürüçelär turında xäbärlär yuq.
Uzğan ayda İsrael oçışlarınıñ artıp kitüenä Berläşkän Millätlär Oyışması da borçılu beldergän ide.
