Berniçä ilneñ citäkçese Amerikan prezidentı George Buşnıñ Ğiraq citäkçese Saddam Xösäingä quyğan ultimatumına tänqit belderde. Buş Saddamğa ildän kitü öçen irtägägä qädär waqıt birgän ide. Fransiä prezidentı Jak Şirak süzlärençä, Ğiraq mondıy çara kürerlek qurqınıç tudırmıy. Buşnıñ ultimatumı xalıqara mönäsäbätlärgä, dönyadağı totrıqlılıqqa yanıy, dide ul:
Audio: Alga taba waqiğalar niçek kenä täräqqi itmäsen, bu ultimatum xalıqara mönäsäbätlärne soraw astına quya, di Şirak. Ul xalıqlarnıñ, töbäkneñ häm dönyanıñ totrılıqlılığına tä’sir itäçäk.
Şul uq borçularnı bügen Qıtaynıñ yaña prezidentı Hu Jintao häm Rusiä prezidentı Vladimir Putin belderde. Germaniä kanslerı Gerhard Şröder, Ğiraqtan kilgän yanaw suğış başlawnı aqlıy almıy, dip äytte. Rim papası süzçese bar tınıç çaralar kürelep bette diüçelär, Allahı täğälä aldında cawaplılıq ala dip belderde.
Ğiraqta suğış başlansa Avstraliä töbäkkä 2 meñ xärbien cibäräçägen belderde. BMOnıñ qoral inspektorları bügen Ğiraqtan kitte.
Ğiraq citäkçeläre Buşnıñ ultimatumın bügen kire qaqtı. Däwlät televideniese xäbär itüençä, bu qarar Saddam räislegendä ütkän Revolutsion Şura häm Baath partiäse citäkçeläreneñ utırışında qabul itelgän.
Audio: Alga taba waqiğalar niçek kenä täräqqi itmäsen, bu ultimatum xalıqara mönäsäbätlärne soraw astına quya, di Şirak. Ul xalıqlarnıñ, töbäkneñ häm dönyanıñ totrılıqlılığına tä’sir itäçäk.
Şul uq borçularnı bügen Qıtaynıñ yaña prezidentı Hu Jintao häm Rusiä prezidentı Vladimir Putin belderde. Germaniä kanslerı Gerhard Şröder, Ğiraqtan kilgän yanaw suğış başlawnı aqlıy almıy, dip äytte. Rim papası süzçese bar tınıç çaralar kürelep bette diüçelär, Allahı täğälä aldında cawaplılıq ala dip belderde.
Ğiraqta suğış başlansa Avstraliä töbäkkä 2 meñ xärbien cibäräçägen belderde. BMOnıñ qoral inspektorları bügen Ğiraqtan kitte.
Ğiraq citäkçeläre Buşnıñ ultimatumın bügen kire qaqtı. Däwlät televideniese xäbär itüençä, bu qarar Saddam räislegendä ütkän Revolutsion Şura häm Baath partiäse citäkçeläreneñ utırışında qabul itelgän.
