Törkiä premier-ministrı Recep Tayyip Erdoğan Amerikan xärbilären Törkiädä urnaştıru mäsäläsendä bügen yabıq ieşklär artında üzeneñ xakimiättäge Ğädellek häm Täräqqiät partiäse äğzaları belän oçraştı. İke atna elek Parlament 62 meñ amerikan xärbien Törkiädä urnaştıruğa qarşı tawış birgän ide. Uzğan comğada premier bulğan Ergoğan xärbilärne urnaştıru yağında. Bügen ul xakimiät äzğaları belän bu mäsäläne qabat tikşerergä cıyına. Ğädellek häm Täräqqiät partiäse räsmiläre äytüenä qarağanda, Parlamentta fiker üzgärä bara. Mäsälä uñay xäl itelgän oçraqta, Quşma Ştatlar Törkiägä millardlağan kredit wäğdä itä. Monnan tış Törek räsmiläre Amerikan xärbiläreneñ urnaşuwı Körd mäsäläsen xäl itergä yärdäm iter dip ömetlänä.
