Bügen Rusiä häm Fransiä, Amerika Quşma Ştatlarnıñ, üzlärendäge Ğiraq ilçeleklären yabıp räsmi wäkillärne ildän quırğa digän üteneçen kire qaqtı. Fransiä tışqı eşlär ministlığınıñ matbuğat wäkile-Quşma Ştatlarnıñ bu möräcäğäte Fransiäneñ bäysezlegenä qağıla, Parijnıñ Waşington taläben ütärgä ber säbäbe dä yuq, dide.
Mäskäwdä, tışqı eşlär ministrı İgor İvanov, ägär dä şundıy räsmi üteneç alınğan bulsa-anıñ qanunsız bulaçağına işarä yasadı.
Hollandiä belän Germaniä dä, älegä Ğiraq ilçelege xezmätkärlären quwarğa säbäp yuq, dide.
Kiçä Amerika Quşma Ştatları dönya illäre citäkçelärenä Ğiraq prezidentı Säddäm Xösäin belän elemtärlärne özergä, Ğiraq ilçeleklären yabırğa häm böten milek-mölkätlären tuñdırırğa sorap märäcäğät itkän ide.
