Amerikan ğaskärläre Ğiraqta urnaşqan İrannıñ Xalıq Möcahetdinnäre törkeme belän bäreleşlärne tuqtatu turında kileşkän. Bu xaqta Amerikan Xärbi İdarä wäkile general Vincent Brooks xäbär itte. “Möcahetdin-e-Xalq törkeme belän bäreleşlär häm atışlar buldı, läkin xäzerge waqıtta alarnı beterü turında kileşügä ireşelde. Xalıq Möcahetdinnäre başqa cirgä küçende, alarda äle dä qoral bar läkin alar anı xärbi maqsatta qullanmıyaçaq”, dide Brooks. Möcahetdinnär İrandağı İslam xökümäten bärep töşerergä tırışuıda ğayeplänä. Möcahetdin-e-Xalq törkemen İran, Amerika Quşma Ştatları häm Yevropa Berlege terror oyışmaları isemlegenä kertte.
Qatardağı amerikan xärbi idarä Säddäm rejimınıñ tağın ber yuğarı wäkile elekke xärbi citäkçe häm premyer-ministr Mohammäd Hämzä al-Zubeidi qulğa alındı, dip xäbär itte.
Amerikan xärbiläre şulay uq Bağdadta 600 million dollarğa yaqın aqça tabıldı, dip belderde. Yasalma divar artında yaña 100 dollarlıq aqçalar saqlanğan bulğan. 3nçe cir öste ğaskärläre diviziäse tabılğan dollarlarnı başqa cirgä küçergän dip xäbär itelä.
