Accessibility links

Кайнар хәбәр

Dönya Sälämätlek Saqlaw Oyışması tämäke tartuğa qarşı kileşü qabul itte


Dönya Sälämätlek Saqlaw Oyışması tämäke tartuğa qarşı kileşü qabul itte. Tämäkene Kontroldä Totu Konvensiäse dip isemlängän älege dokumentta tämäke reklamasın tıyu, tämäkene satunı çikläw turında süz bara. Kileşü Oyışmanıñ yıllıq summitına Genavada cıyılğan 192 däwlät wäkilläre tarafınnan qabul itelde. 40 il anı raslağannan soñ kileşü ğamälgä keräçäk. Dönya Sälämätlek Saqlaw Oyışmasınıñ berençe tapqır mondıy kileşü qabul itüen, anıñ citäkçese Gro Harlem Brundtland "tarixi" dip atadı: "Bu hiçşiksez global sälämätlek saqlaw eşe öçen tarixi mizgel. Tämäke konvensiäsen qabul itü-xalıqara cämäğätçelekneñ-sälämätlekkä bulğan bu zur qurqınıçnı beterergä teläge buluın kürsätä. Bezneñ bügenge bu qarar-milliardlağan keşeneñ ğömeren, häm kiläse buınnarnıñ sälämätlegen saqlap qalaçaq", dide Brundtland. Kileşü nigezendä Dönya Sälämätlek Saqlaw Oyışması äğzaläre bulğan däwlätlär-kiläse 5 yıl eçendä üzlärendä tämäke reklamasın çiklärgä tieş bulaçaq.
XS
SM
MD
LG