Accessibility links

Кайнар хәбәр

İsrael häm Fälestin citäkçeläreneñ AQŞ prezidentı G.Bush belän oçraşu ixtimalı tikşerelä


Amerikan prezidentı George Bush kiläse atnalarda İsrael xökümäte başlığı Ariel Şaron häm Fälestin premyer-ministrı Mähmüd Abbas belän oçraşaçaq. Bu xaqta bügen Yevropa Berlege häm Yaqın Könçığış däwlätläreneñ tışqı eşlär ministrları cıyınında İsrael tışqı eşlär ministrı Silvan Şalom belderde. Aq Yorttan äle añlatmalar bulmadı. Oçraşu kiläse atna azağında Yordan başqalası Ammanda uzarğa mömkin. Yordaniä tışqı eşlär ministrı Marwan Moaşer da AFP mäğlümat agentlığına-oçraşu turında qarar äle qabul itelmägän dip belderde.

Şalom üze dä bu könnärdä Fälestin premyer-ministrı Abbas belän oçraşa. Mäğlüm bulğança kiçä İsrael xökümäte "tınıçlıq yulı" planın rasladı.

Bügen Abbas Könbatış Yarda Ramallah şähärendä Fransiä tışqı eşlär ministrı Dominique de Villepin belän oçraşıp Yaqın Könçığışta tınıçlıq urnaştıru planı turında fiker alıştı. Aña qadär Fransiä tışqı eşlär ministrı Fälestinnär citäkçese Yasser Arafat belän oçraşqan ide.
XS
SM
MD
LG