İtaliä citäkçelegeneñ kürenekle äğzäse Umberto Bossi, ilgä röxsätsez ütep kerüçelärgä qarşı kisken çaralar kürergä kiräk digän fikerdä toruın däwam itä. Reforma eşläre ministrı, Tönyäk liğa dip atalğan iñ uñ partiäneñ liderı bulğan Umberto Bossi, xättä, röxsäte bulmağan möhäcirlärne kiterüçe köymälärgä töbäp, çik saqçılarına ut açırğa röxsät birüne täğdim itä. "Corriera della Sera" gazetasına birgän äñgämäsendä ul, ägär dä Berlusconi xökümäte bu cähättän qatğıy çaralar kürmäsä, Liğanıñ xuplawınnan mäxrüm qalaçaq dip kisätte. Soñğı öç köndä genä İtaliäneñ könyağında, başlıça Afrika illärennän kilgän, meñnän artıq möhäcir totqarlanğan.
