Yewropa Berlegen kiñäytü komissionerı Guenter Verheugen İtaliä premyer ministrı Silvio Berlusconinıñ Yewropa berlegenä Rusiä, Belorusiä, Ukraina häm İzrailneñ dä qabul itelüye mömkin digän süzlären tänqitkä tottı.
Verheungen "Yewropa Berlegenä kertü turında barısına da rättän wäğdä birüne beterergä kiräk" dide. Xäzerge waqıtta Yewropa Berlegendä räislek wazifaların başqarğan İtaliä premyer ministrı Berlusconi kiçä, kiläçäktä Yewropa Berlege üz eçenä küp kenä illärne, şul isäptän, İzrailne, Belorusiäne häm Rusiäne häm başqa illärne dä alaçaq dip sanap kitkän ide.
