Accessibility links

Кайнар хәбәр

Belgiäneñ qarşılıqlı qanunına üzgäreşlär kertü omtılışın İzrail xuplap çıqtı


İerusalim. Belgiäneñ suğış cinayätläre turındağı qarşılıqlı qanunın öleşçä ğämäldän çığaru niäten İzrail xökümäte xuplap çıqtı. Anıñ matbuğat wäkile Avi Pazner süzlärenä qarağanda, xökümät monı xuplamıy buldıra almıy, ämma berük waqıtta bu eş azağına citkänçe, yäğni qanun çınnan da ğämäldän çığarılğançı monı bäyäläwdä saq bulıp qalaçaq. Şuşı qanun nigezendä zamanında İzrailneñ xäzerge premyer-ministrı Ariel Şaronnı suğış cinayätläre qıluda ğäyepläp Belgiädä xökemgä tartu omtılışı yasalğan ide. Belgiä premyer-ministrı Guy Verhofstadt kiçä, üz xökümäteneñ, Şaron ğına tügel, başqa illärneñ citäkçelärenä dä qarşı cinayät eşe başlawğa yul açqan şuşı qanunnı ğämäldän çığarırğa teläwen belderde. 1993-nçe yılda qabul itelgän bu qanun Belgiä mäxkämälärenä, dönyanıñ teläsä qaysı poçmağında qılınğan suğış cinayätlären qaraw wäkaläten birgän ide. Xäzer isä anı, Belgiä watandaşları häm Belgiädä yäşäwçelär öçen genä ğämäldä qaldıru planlaştırıla. Parlament üzgäreşlärne aldağı atnalarda qarar dip kötelä.
XS
SM
MD
LG