Accessibility links

Кайнар хәбәр

İzrail' hawa köçläre Gaza şähärenä 3 hawa höcüme yasap 3 fälestinne üterde, 20-läp fälestinne yaraladı


Berençe höcüm Hamas suğışçan törkemeneñ raketalar yasaw urını dip şiklänelgän yortqa yasalğan. Anda ülüçelär buluı turında xäbär itelmi. Şunnan soñ ozaq ta ütmästän, Hamas çığanaqları äytüençä, Hamasnıñ ike äğzası äyberlären alıp höcüm yasalaçaq binadan maşina belän qaça başlağan. Ämma İzrail' boralağı alarğa ut açqan. Hamas äytüençä, maşinadağı ike keşe häm şul urında oçraqlı räweştä bulğan ber keşe hälak bulğan. Gaza Şähärendäge 3-nçe höcümneñ qaya yasaluı, anda qorbannar bulu-bulmawı äle bilgele tügel. Fälestinlelärneñ İslamçı Jihad suğışçan törkeme citäkçelärennän berse Xälät äl-Batiş Reuters xäbär agentlığına xalıqara xämäğätçelek İzrail' höcümnären tuqtatu öçen zarur bulğan härnärsäne eşlärgä tieş dide:

AUDİO: Bezneñ xalıqqa qarşı yünältelgän bu köç qullanu, İzrail'neñ köç qullanuı tuqtatılırğa tieş, häm xalıqara cämäğätçelek İzrail' köçläreneñ Gazada, Rafahta häm Ceninda bezneñ xalıqqa qarşı ğämällären tuqtatu öçen härnärsäne eşlärgä tieş.

İzrail' tışqı eşlär ministrlığı wäkile Gideon Meir İzrail söyläşülär ütkärergä teli, ämma Fälestin citäkçese Yassir Arafat İzrail'gä qarşı höcümnärne yaqlawnı däwam itä dide.
XS
SM
MD
LG