Qurai parlamentta çığış yasap Fälestin xökümäte izraillelärgä qarşı barlıq höcümnärne tuqtatırğa teli dide.
Qurai İzrail' belän tınıçlıq söyläşülären yañartırğa teläwen belderde häm Quşma Ştatlar täqdim itkän yul xaritası planı nigezendä tınıçlıq urnaştıru öçen xalıqara konferensiä ütkärergä çaqırdı.
Fälestin premyer-ministrı şulay uq, İzrail' belän tınıçlıq söyläşülären yañartu tırışlıqlarınıñ ber öleşe bularaq ğömümi saylawlar ütkärergä çaqırdı. Fälestin citäkçese Yassir Arafat ta parlament utırışında çığış yasap İzrail'neñ tınıçlıqta yäşäw xoquqı bar dide:
Bez İzrail' däwläten tanıdıq häm bez ul qararıbızdan çigenmäyäçäkbez. İzrail' xalqınıñ iminlektä, tınıçlıqta häm totrıqlılıqta yäşäw, üzläreneñ bäysez däwlätendä, üzläreneñ Fälestin däwlätendä yäşäwçe Fälestin xalqı belän bergä, töbäktäge däwamlı häm ğädel tınıçlıqta yäşäw xoquqı bar.
İzrail' premyer ministrı Ariel Şaronnıñ kiñäşçese Dore Gold Arafatnıñ bu belderü eçkersez tügel dide.
Bez İzrail' däwläten tanıdıq häm bez ul qararıbızdan çigenmäyäçäkbez. İzrail' xalqınıñ iminlektä, tınıçlıqta häm totrıqlılıqta yäşäw, üzläreneñ bäysez däwlätendä, üzläreneñ Fälestin däwlätendä yäşäwçe Fälestin xalqı belän bergä, töbäktäge däwamlı häm ğädel tınıçlıqta yäşäw xoquqı bar.
İzrail' premyer ministrı Ariel Şaronnıñ kiñäşçese Dore Gold Arafatnıñ bu belderü eçkersez tügel dide.
