Bügen Bagdadta Rumsfeld Ğiraqnıñ iminlek köçlären äzerläw eşen tizäytergä çaqırdı. Ğiraqtağı amerikan ğäskäre başlığı Ricardo Sanchez soñğı xärbi operatsiälär näticäsendä amerikannarğa qarşı xöcümnär sanı könenä urtaça 50-dän 20-gä töşte dip belderde. Rumsfeld, mondıy nätiäcälär belän älegä aşıqmasqa çaqırdı. Pentagon başlığı Bagdad häm Kirkuk şähärlärendä amerikan xärbiläre häm Ğiraq citäkçeläre belän oçraşıp, ildäge wazğiätne tikçerde. Saddam bärep töşerelgännän birle bu anıñ Ğiraqqa öçençe säfäre buldı.
