Accessibility links

Кайнар хәбәр

Bagdadta bulğan şartlawda 4 keşe xäläk bulğan


Şartlatqıç tutırılğan maşina bügen Bagdadnıñ "Şahin" qunaqxanäse aldında da şartladı. Amerikan xärbiläre äytüençä, näticädä 4 Ğiraqlı xäläk bulğan, 17-se yaralanğan. Bu qunaqxanä yanında 7 däwlätneñ ilçelege urnaşqan. Kiçä Berläşkän Millätlär general sekretare Kofi Annan Ğiraqta saylawlar ütkärü mömkinlegen tikşerü öçen maxsus törkem cibärü telägen beldergän ide. Läkin başta bu törkemgä iminlek tä'min itergä soradı. Kiçä Ğiraqnıñ törle urınnarında bulğan xöcümnär näticäsendä kimendä 12 keşe xäläk buldı. Şul isäptän, 6 amerikan xärbie, CNN telekompaniäseneñ 2 Ğiraq xezmätkäre.
XS
SM
MD
LG