Accessibility links

Äxmät Zakayev Germaniä säyäsätçeläre belän oçraşa


Bügen Germaniä başqalasında çeçen wäkile Äxmät Zakaev parlament äğzaläre belän oçraşıp Çeçnyadağı wazğiät turında söyläşülär alıp bardı. Azatlıq radiosına telefon aşa Zakayev, Çeçnyadağı xällär – Rusiäneñ eçke eşe genä tügel, häm andağı wazğiät böten dönyadağı säyäsi tärräqiätkä üz tä'siren yasıy, dide. Zakayev süzlärenä qarağanda Germaniä deputatları älegä problemağa qarata uñay mönäsäbät beldergän, Zakayev Yevropa Berlegen çeçennarğa yardäm itergä häm Rusiä prezidentı Vladimir Putinğa – nizaqnı tuqtatırğa dip basım yasarğa çaqırdı. Rusiädä Zakayev terror ğamälläre oyıştıruda ğayeplänä ämma aña Britaniädä sıyınu xoquqı birelde. Berlinğa Äxmät Zakayev German-Kavkaz cämğiäte çaqıruı belän kilgän. Zakayev şulay uq koalitsiä häm oppozitsiä partiäläre yulbaşçıları belän oçraşaçaq, Çeçnyadağı wazğiätkä bağışlanğan forumda qatnaşaçaq.
XS
SM
MD
LG