Yevropa Berlegeneñ çirattağı prezidentı İrlandiä, uzğan dekabr ayında körçekkä terälgän Berlekneñ konstitutsiä mäs'äläsendäge söyläşülären yañartırğa çaqırdı. İrlandiä premyer-ministrı Bertie Ahern, cäy başında kileşügä ireşep bulır digän ömet belderde.
Mäğlüm bulğança, uzğan yılnı İspaniä häm Berlekkä kerergä torğan yaña äğza – Polşa, Germaniä belän Fransiägä kiñeräk xoquqlar birelügä protest belderep konstitutsiä ölgesenä qarşı çıqqan ide.
Brüsseldä Yevropa Berlege citäkçeläreneñ bügen açılğan ike könlek cıyınında şulay uq Yevropada iminlek mäs'äläläre tikşereläçäk. Yevropa Berlege summitı turında tulıraq mä
lümat bezneñ tapşıruda bulaçaq.
