Accessibility links

Кайнар хәбәр

Gamsaxurdianı iskä alu çaraları kiçekterelä


Gruziä xökümäte elekke prezident Zviad Gamsaxurdia tuunıñ 65 yıllığına bağışlanğan räsmi çaralar kiçekterelep kiläse ayda ğına başlanaçaq dip belderde. Däwlät ministrı Guram Absandze bu çaralar Gruziäneñ 1991-nçe yılğı bäysezlek deklaratsiäse iğlan itelgän köngä turı kiterep 9-nçı aprel'dä başlanaçaq dide. Bu Gamsaxurdianıñ tol xatını sorawı belän eşlänä dielä. Baştaraq bu çaralarnı Gamsaxurdiä tuğan köndä 31-nçe martta başlaw planlaştırılğan ide. Bäysez Gruziäneñ berençe prezidentı bulğan Gamsaxurdia xakimiättä berniçä ay utırğannan soñ qorallı fetnä anı bärep töşerde. Başta ul Ärmänstanğa, soñraq Çeçnägä qaçtı. 1993-nçe yılda ul qorallı tarafdarları belän xakimiätne yañadan üz qulına qaytaru omtılışı başlap säyer räweştä hälak buldı. Räsmi räweştä ul üz-üzen üterde dip iğlan itelsä dä, anıñ tarafdarları Gamsaxurdiäne üterdelär dip isäpli. Gamsaxurdia Çeçnädä cirlände. Xäzerge prezident Mixail Saakaşvili xalıqnı berläşterü öçen Gamsaxurdiä cäsäde qaldıqlarınıñ Gruziägä alıp qaytıp cirlänüen teläwe turında belderde.
XS
SM
MD
LG