NATOnıñ elekke Sovetlar Berlege cirlärenä kiñäyüenä ber atna waqıt uzğaç Rusiä saqlanu ministrı Sergey İvanov, könbatış belän iminlek mäs'älälärendä xezmättäşlek itep bulmayaçaq, dip belderde. Bu xaqta İvanov Waşingtonnan qaytqaç äytte, bügen kiçen Mäskäwgä NATO General Sekrater Jaap de Hoop Sheffernıñ kilüe kötelä.
İnterfax agentlığına, İvanov "Rusiä könbatış belän partnerlar bulırğa telär ide, ämma Mäskäwneñ bik yış anıñ mänfäğätlärenä turı kilmägän qayber mäs'älälärgä küz yomuın sorıylar" dide.
NATO Baltiq buyı däwlätlären üzenä alıp Rusiä çigenä yaqınlaşuğa basım yasadı, ämma şul uq waqıtta Yevropa xörbi köçläre turındağı kileşügä qul quymadı, dip östäde İvanov. Älege kileşügä kürä törle illärdä xärbi köçläre sanı çikägä mömkin. Şuşı xäbärlärdän soñ Rusiäneñ könbatışqa qarağan säyäsi häm xärbi qararları – "üz üzen saqlaw" prinsiplarına nigezlänäçäk, dide İvanov.
