Çeçnyanıñ könbatışındağı İşxoy Yurt awılı yanında möcäxidlärne qamawğa alu operatsiäse däwam itä. 13 april tönendä alar 7 militsiä
xezmätkären üterüdä qatnaşqan bulırğa mömkinnär dip faraz itelä. Rusiä xärbiläre mäğlümätlärenä qarağanda, süz qorallanğan ike çeçen törkeme xaqında bara. Şul törkemneñ berse belän Şamil Basaevnıñ yärdämçese Rabbani Xalilov citäkçelek itä. İkençe törkem citäkçese Äxmät Avdorxanov, turıdan turı Aslan Masxadovqa buysınuçı citäkçe. Bügen Rusiäneñ eçke eşlär ministrlığı wäkile Boris Gavrilov, 2003 yılda Çeçnyada 605 keşe urlanğan dip belderde. Räsmi xäbärlärgä qarağanda uzğan yıl äylänäsendä totqınnan barı tik 51 keşe genä azat itelgän. Urlanğan 26 keşe haläk bulğan dip tanılğan. Xoquq yaqlawçı oyışmalar, Çeçnyada, bu yılnıñ berençe aylarında ğına da tınıç tormıştağı 70 keşe urlanğan dip sanıy.
