Riyad. Söğüd Ğäräbstanınıñ iminlek köçläre qorallanğan maşinalar häm xärbi boralaqlar yardämendä bügen irtän başqala Riyadtağı, suğışçan islamçılar yäşerenep yatu urını bularaq şiklänelgän öç mäxälläne qamap aldı häm anda tikşerülär ütkärde. Washingtondağı söğüdi wäkile Ğadel äl-Cubeyr, üz ileneñ andağı radikal suğışçılarnı "soñğısına qädär" yuq itü eşenä birelgänlegen qabatladı. Ul arada "äl-Qaidä"neñ Söğüd Ğäräbstanındağı bülekçäse dip sanalğan qorallı törkem, üz citäkçese Ğäbdelğäziz äl-Miqrinneñ çınnan da söğüd iminlek köçläre tarafınnan üterelüen tanıdı, läkin, anıñ üleme bezne nığıtaçaq qına dip belderde.
