Accessibility links

Кайнар хәбәр

Beslandağı faciğane idarä itä almaw ğayepläwläre sürätendä Tönyaq Osetiä xökümäte taratılaçaq


Tönyaq Osetiä prezidentı Alexandr Dzasoxov, Beslan faciğasen idarä itä almaw ğayepläwläre sürätendä 2 köndä xökümätne taratırğa süz birde. Rusiä xärbi köçläreneñ ştab başlığı general-polkovnik Yuri Baluyevsky, Rusiä, kiräk bulsa dönyanıñ teläsä qaysı poçmağında terrorçılarğa höcüm itergä äzer, dip belderde. Ämma süz atom höcümnäre turında barmıy, dide Baluyevsky: (audio) "Terrorçılar bazaların yuq itü öçen här törle çaralarğa barırğa äzerbez. Ämma monda – atom höcümnäre turında süz barmıy. Küreläçäk çaralar turında – wazğiätkä kürä qarar bireläçäk," dide Rusiä xärbi köçläreneñ ştab başlığı. Rusiäneñ Federal İminlek Xezmäte FSB – Beslandağı totıq alu ğamälen planlaştırğan çeçen yulbaşçıların tabırğa yardäm itüçelärgä 10 million dollar wağdä itte. Rusiä general prokurorı Vladimir Ustinov totıq alu faciğasen tikşerü barışı häm terror ğamälendä ziyan kürüçelär turında iñ soñğı mäğlümatlärne iğlan itte: (audio) "Totıqlar sanı – 1200 bulğan, 727 keşegä medetsina yardäme kürsätelä. 326 keşe hälak bulğan, alar arasında 210 mäyetneñ – kemneke bulğanı bilgesez qala." Xäbärsez yuğalğannar turında Ustinov ber süz dä äytmäde.
XS
SM
MD
LG