Accessibility links

Кайнар хәбәр

Äfğanstanda vice-prezidentlıqqa namzät Ahmad Zia Massud'qa höcüm buldı


Äfğan räsmiläre xäbär itüençä bügen ilbaşı Hamid Qarzainıñ vice-prezidentlıqqa namzäte Ahmad Zia Massud utırğan maşinağa höcüm itelgän. Aña ziyan bulmağan, ä yanında bulğan Badakhstan provinsiäseneñ elekke gubernatorı Sayeed İkramudin yaralanğan. Şartlawda ber keşe hälak bulğan 4se yaralanğan. Provinsiä başqalası Faisabadta konvoy uzıp barğanda çittän idarä itelä torğan bomba yä mina şartlağan, dip farazlana. Ahmad Zia Massud – Tönyaq Berektäşlekneñ 2001nçe yılda üterelgän xärbi citäkçese Ahmad Şah Massud'nıñ bertuğanı. Bügen Äfğanstanda saylawaldı kampaniäseneñ soñğı köne ide. Ügetläw eşen tämamlap bügen namzätlärneñ berse, general Abdul Räşid Dostum, Mazar-i-Şärif şähärendä saylawçılarğa märäcäğät itte: "Alla yardäme häm xalqıbız yardäme belän bez ciñäçäkbez. Aldağı könnärdä – kemneñ çınnan da başlıq bulğanın, kemneñ keşelärgä yardäm itkänen häm xalıqnıñ kemne prezident itep kürergä teläwen belerbez" dide Abdul Räşid Dostum. 9 üktäbr, şimbä könne ildä berençe tapqır irekle prezident saylawları ütäçäk.
XS
SM
MD
LG