Bügen Rusiä prezidentı Vladimir Putin belän Taciqstan prezidentı Emomali Raxmonov Taciqstanda Russiäneñ yaña açılğan daimi xärbi bazasında äläm kütärü tantanasında qatnaştı.
Bıltır Rusiä Qırğızstanda xärbi hawa bazası açqan ide. Bügenge tantanada Putin töbäktä Rusiä köçläreneñ toruı terrorçılarnı häm ekstremistik höcümnärne beterü öçen şartlar tudıra dide.
Şimbä könne Putin belän Raxmonov Tajiq xärbi bazasın Rusiägä büläk itep birü turında kileşü imzaladı. Anda Sovetlar Berlege cimerelügä qaramastan Taciqstanda qalğan 5 meñ keşelek Rusiä diviziäse urnaşaçaq.
