Fransiä, Britaniä häm Germaniä wäkilläre bügen İrannıñ atom räsmiläre belän oçraşıp Tährannıñ sanksiälär iğlan itkänçe - uran bayıtu programmasın tuqtatuı öçen tağın östämä çaralar kürmäkçe ide. Älegä oçraşu näticäläre turında xäbärlär yuq. Anda 3 Yevropa däwläte İranğa cawap itep atom texnologiäläre täqdim itä. İrannan isä – atom qoralı citeştermäwenä dälillär kötälär. Xalıqara Atom Energiäse Xäyäte 25nçe noyaberdä İrannıñ atom eşçänlegen tikşerer öçen cıyılaçaq. Amerika Quşma Ştatları İrannıñ atom eşçänlege Berläşkän Millätlär Oyışmasınıñ İminlek Şurasında tikşerelergä häm İranğa sanskiälär bilgelänergä tieş, dip sanıy. İran üzeneñ atom qoralı citeşterüen kire qağa.
