Kiev. Prezidentlıqqa däğwa itkän oppozitsiä citäkçese Viktor Yuçenko bügen, ukrainnar tizdän "yaña, demokratik Ukrainada" yäşiäçäk dip belderde. Şuşı süzlären ul Kievtä, pravoslav dinendäge iñ abruylı izgelärneñ berse - Mikolay köne uñayınnan ütkärelgän häm meñlägän keşe tuplağan cıyında äytte. Bügen Ukraina prezidentı Leonid Kuçma, 26-nçı dikäberdä uzaçaq qabat saylawnı ğädel häm açıq itep ütkärügä yardäm itäçäk, saylaw qanunı üzgäreşlären imzaladı häm alar şulay itep ğämälgä kertelde. Kiläse yäkşämbedä Viktor Yuçenko xäzerge premyer-ministr Viktor Yanukoviçkä qarşı köräşä.