Makedoniäneñ elekke eçke eşlär ministrı Ljube Boskovski bügen Hagueqa Yugoslaviä öçen Xalıqara Cinäyätlär Mäxkämäsenä kilde. Xorvatiäneñ Yustisiä Ministrlığı, Boskovskiğa 2001nçe yılda albannarnıñ ülemendä ğayepläw belderelä, dip xäbär itte. Pula şähäre mäxkämäse Boskovskiğa inde uzğan yılnıñ avgustında uq törle mäddälärdä ğayepläwlär belderep törmädä totqan ide, çärşämbe könne alar Makedoniäneñ elekke eçke eşlär ministrın Haage'qa tapşıru turında qarar qabul itte. Serbiä, Xalıqara Cinäyätlär Mäxkämäse tarafınnan ezlängän 13 serb häm bosnia keşeseneñ bank xisapların tuñdırğan. Alar arasında genosidta ğayeplängän bosniä serb generalı Ratko Mladiç ta bar. Mäxkämä wäkilläre Mladiç Serbiädä qaçıp yata, dip farazlıy.
