Accessibility links

Rusiä Dumasında çirattağı tuqmaşu


Rusiä Dumasınıñ ike deputatı bügenge utırış barışında tuqmaşu oyıştırdı. LDPR citäkçese Vladimir Jirinovski belän Rodina partiäsennän Andrei Saveliev başta ber-berse belän süzgä kerde, annarı bärgäläşä başladı. Bu tuqmaşuda distägä yaqın deputat qatnaşqan. Mäsxäräneñ säbäbe tögäl bilgele tügel. LDPR deputatları Yamal-Nenes okrugındağı saylawlar näticäsenä protest belderep zaldan çığıp barğan bulğan. Saveliev süzlärençä, ul Jirinovskiğa "ä ni öçen sez Voronej saylawlarına qarşılıq beldermädegez" dip sorağaç, tegese, "xäzer min sineñ yözeñne cimeräm" dip oçıp qunğan. Bu Jirinovski qatnaşında berençe tamaşa tügel. Bügene xäldän soñ ul Dumada çığış yasawdan ber ayğa mäxrüm itelde.
XS
SM
MD
LG