Kiev -- Ukraina premier-ministrı Yulia Tımoşenko Däwlät milke Fondına "Krivoroj-stal" metallurgia şirkäten qabat satuğa quyarğa kürsätmä birgän. Anıñ süzlärençä, bu auksion tizäytelgän räweştä ütäçäk. Uzğan yıl, ilneñ iñ ere qorıç qoyu şirkäte - "Krivoroj-stal" – elekke prezident Leonid Kuçmanıñ kiyäwe Viktor Pinçuk häm Donetski eşquarı Rinat Axmetov törkemenä 800 million dollarğa satılğan ide. Gärçä ber Rusiä şirkäte häm Amerikan-Britan kompaniäse kübräk aqça täqdim itkännär ide. Uzğan atnada Kiev mäxkämäse bu alış-bireşneñ qanunsız bulğanın rasladı.
