Strassburg -- Yevropanıñ Keşe xoquqları mäxkämäse Nadejda Fadeevanıñ Rusiä xakimiätlärenä beldergän däğwasın urınlı dip taptı häm Rusiä xökümäte bu xanımğa 6 meñ yevro tülärgä tieş digän qarar çığardı. Nadejda xanım Çerepovetski metallurgiä şirkäte cirlegendä yäşi. Andağı hawa urtaçadan berniçä tapqır pıçrağraq. Nadejda xanım, başqa urınğa küçerergä sorap ike tapqır cirle mäxkämägä möräcäğät itkän bulğan. Läkin anı barı tik ğömüm çiratqa bastırğannar.
