Qıtay başqalası Pekinda açılğan Tönyaq Koreanıñ atom programmasına bağışlanğan söyläşülärneñ berençe könen taraflar – tınıç dip bäyäläde. Könyaq Korea diplomatları, oçraşu – ädäple, häm elekkedän tınıçraq şartlarda uzdı, dip bilgeläde.
Oçraşu başında uq amerikan aradaşçısı Chrsitopher Hill, Tönyaq Korea wäkillären, AQŞ Tönyaq Koreanı ayırım bäysez däwlät bularaq qabul itä häm höcüm itergä cıyınmıy, dip ışandırdı. Tönyaqnıñ yuğarı räsmi wäkile Kim Kye-Gwang, Pxenyan, Korea yarım utrawın atom qoralınnan azat itü öçen eşlärgä äzer, dip belderde: "Bez Korea yarım utrawında atom suğışı qurqınıçın yuq itergä tieş, qatnaşuçı taraflar monıñ öçen strategik qarar qabul itergä häm säyäsi teläk belderergä tieş," dide Pxenayan wäkile. Qıtay, AQŞ, Könyaq häm Tönyaq Koreadan tış bügen açılğan söyläşülärdä şulay uq Rusiä häm Yaponiä diplomatları qarnaşa.
