Tönyaq Koreanıñ atom programmasına bäyle krizisnı çişü maqsatındağı 6 yaqlı söyläşülärdä qatnaşuçılar bügen prinsiplar turında urtaq belderü äzerlägändä kierenke bäxäslär ütkärde.
Pekiñda Qıtay täqdim itkän urtaq belderü ölgesen tikşerü öçen oçraşqan 6 il delegatsiäläreneñ citäkçe urınbasarları 5 säğät buyı söyläşte.
Yapon törkemeneñ citäkçe urınbasarı Akitaka Saiki bik kisken söyläşü buldı dide. AQŞ törkemen citäkläwçe Christopher Hill
AUDİO: Bezneñ urınbasarlar ber bülmägä biklänep ul tekstnı tikşerä. Älbättä bu tekstnı tikşerü häm ayırmalıqlarnı açıqlaw öçen berniçä säğät kiräk. Bu eş tämamlanğannan soñ anı delegatsiä başlıqları tikşerer dip kötelä. Älegä AQŞ häm Yaponiä törkemnäre bik tığız elemtädä tora.
Bu söyläşülärgä yaqın ber diplomatik çığanaq Reuters xäbär agentlığına belderü ölgesendä Pxenyannıñ atom programmasınnan baş tartırğa tieşlege turında yazılğan dide. Anda şulay uq qalğan 5 ilneñ Tönyaq Koreağa iminlek garantiälärgä, aña iqtisadıy yardäm kürsätergä häm ul il belän mönäsäbätlärne normal'läşterergä yäki yaxşırtırğa tieşlege turında da yazılğan dielä. Söyläşülärdä ike Korea, AQŞ, Yaponiä, Qıtay häm Rusiä qatnaşa. Ul arada Tönyaq häm Konyaq Korealar üktäber axırına ike timer yulnı häm quşılğan maşina yulların räsmi räweştä açarğa dip kileşte.
Bu söyläşülärgä yaqın ber diplomatik çığanaq Reuters xäbär agentlığına belderü ölgesendä Pxenyannıñ atom programmasınnan baş tartırğa tieşlege turında yazılğan dide. Anda şulay uq qalğan 5 ilneñ Tönyaq Koreağa iminlek garantiälärgä, aña iqtisadıy yardäm kürsätergä häm ul il belän mönäsäbätlärne normal'läşterergä yäki yaxşırtırğa tieşlege turında da yazılğan dielä. Söyläşülärdä ike Korea, AQŞ, Yaponiä, Qıtay häm Rusiä qatnaşa. Ul arada Tönyaq häm Konyaq Korealar üktäber axırına ike timer yulnı häm quşılğan maşina yulların räsmi räweştä açarğa dip kileşte.
