Accessibility links

Кайнар хәбәр

Урыс телле балаларга татарчадан яңа дәреслек эзлиләр


Татарстанда урыс телле балалар өчен яңа дәреслек концепциясен эзлиләр
Татарстанда урыс телле балалар өчен яңа дәреслек концепциясен эзлиләр

Татар китап нәшрияты Татарстан мәгариф һәм фән министрлыгы белән берлектә урыс телле балалар өчен татар теле дәреслеге концепциясенә конкурс игълан итте. Җиңүчегә бүләк - 10 мең сум.

Конкурс таләпләре буенча яңа дәреслек урыс телле балаларга татар телен үзенчәлекле рәвештә укытырга мөмкинлек бирергә тиеш. Дәреслек "И, матур татар теле" дип аталачак.

Конкурста мәгариф оешмалары, татар теле һәм әдәбияты укытучылары, методистлар, тел белгечләре һәм хәтта берничә автордан торган коллективлар катнаша ала. Дәреслек проектларын 26 октябрьгә кадәр кабул итәләр.

Әлеге бәйгедә җиңеп чыккан авторлар 16 ноябрьгә кадәр игълан ителәчәк. Беренче урын яулаучыга – 10 мең сум, икенче урынга – 7 мең, өченче урынга 5 мең сум күләмендә акчалата бүләк тә каралган.

Бәйгенең шартлары белән Татар китап нәшрияты сәхифәсендә танышырга мөмкин.

XS
SM
MD
LG