Accessibility links

пәнҗешәмбе, 21 сентябрь 2017, Казан вакыты 02:54

Кеше хокукларын яклау шурасы: "Медиа өчен "чит ил агенты" төшенчәсе кертү мәгънәсез"


Михаил Федотов

Русия президенты каршындагы кеше хокукларын яклау шурасы башлыгы Михаил Федотов илдә урыс телендә чыгучы чит ил матбугат чараларын чит ил агентларына тиңләү һәм аларны Русия кануннарын бозуда гаепләп блоклау тәкъдимен "мәгънәсез" дип саный.

"Бу башлангыч мәгънәсез, чөнки бездә инде бер канун бар. Ул Роскомнадзорга чит илдән финансланучы матбугат чаралары хакында мәгълүмат җыю хокукы бирә", дип белдерә Федотов. Аның сүзләренчә, бу канун инде күптән гамәлдә.

28 июньдә Русия сенаторлары чит илдә теркәлгән урыс телле матбугат чараларыннан, юстиция министрлыгы таләбе нигезендә, финанс чыганакларын күрсәтүне таләп итү тәкъдиме белән чыкты.

Моннан тыш, Федерация шурасында чит ил медиалары үз эшчәнлеге хакында, чит ил агентлары турындагы канунга ярашлы, хисап бирергә тиеш, дип саныйлар. Әлеге кагыйдәләргә буйсынмаучыларны Русия җирлегендә блоклау тәкъдим ителә.

XS
SM
MD
LG