Accessibility links

Тывада машина казасында 10 кеше һәлак булган


Алар арасында 6 бала булган.

Тыва республикасында елганы ерып узганда машина аву нәтиҗәсендә ун кеше һәлак булган. Алар арасында 6 кеше – бәлигъ булмаганнар. Моның хакта Эчке эшләр министрлыгының Тыва бүлекчәсе матбугат хезмәте хәбәр итә.

Каза Бай-Тайгин районында, Шуй елгасын күчү омтылышы вакытында булган. Җирле халык полициягә шалтыратып, УАЗ машинасының авуы турында хәбәр иткән. "Каза урынында бату билгесе булган 10 мәет табылган, алар арасында алтысы – бәлигъ булмаганнар", диелә хәбәрдә.

Хокук саклаучылар машинада булган кешеләрнең төгәл санын билгели. Һәлакәтнең сәбәпләрен ачыклау өчен каза урынына оператив эшче төркем җибәрелгән.

XS
SM
MD
LG