Accessibility links

Кайнар хәбәр

Qoş kizüenä qotqığa birelmäskä ämma saqlanırğa


BMOnıñ azıq-tölek häm awıl xucalığı oyışması Törkiädäge qoş kizüe kürşe illärgä dä yanıy, dip belderde. Oyışmanıñ Rimdağı wäkile Juan Lubroth, Ärmänstan, Azärbaycan, Görcistan, Ğiraq häm İrannı saq bulırğa, xalıqqa qurqınıç turında mäğlümat birep barırğa çaqırdı. Törkiädä qoş kizüennän kimendä 2 bala ülde, bügenge köndä räsmilär wazğiät kontrolgä alındı, dip xäbär itä. Dönya sälämätlek oyışması räsmie Marc Danzon, Törkiäneñ qotqığa birelergä säbäbe yuq, dip belderde: "Qotqığa birelü uñay küreneş tügel, kiresençä tiskäre näticälärgä kiterä. Äytäsem kilgäne şul – ber keşe öçen dä, xattä Törkiägä baruçılar öçen dä ber nindi qurqınıç yuq." Sälämätlek saqlaw räsmiläre, qoş kizüe virusı keşedän keşegä küçä ala torğan itep üzgärä ala, dip borçıla. Moñarçı andıy oçraqlar turında xäbärlär bulmadı.
XS
SM
MD
LG