AQŞ prezidentı George Bush Bağdadta Ğiraq xökümätenä AQŞnıñ Ğiraq iqtisadın ayaqqa bastıru eşenä tuğrılıqlı buluın belderüe turında äytte.
Kiçä Bağdadta Ğiraq räsmiläre belän oçraşqan Bush bügen Amerika öçen iñ yaxşısı Ğiraqnıñ uñışqa ireşüe dide.
Bush "Ğiraq premyer minsitrı belän yözgä yöz oçraşuıma şatmın. Min berniçä märtäbä anıñ belän telefon aşa söyläşkän idem. Şulay da anıñ belän şäxsän utırıp söyläşü kiräk dip taptım. Min anıñ üze belän oçraşıp köçle xolıqlı buluın, uqışqa omtıluçanlığın, üz ayağında toruçı, üzen üze idarä itä häm saqlıy aluçı il tözergä omtıluın kürdem" dide.
Ul şulay uq Amerikanıñ mäxkamä häm xoquq saqlaw räsmilärenä Ğiraqta näticäleräk xökem sisteması buldıru öçen Ğiraqnıñ yaña xökümäte belän bergälär eş itärgä quşuın belderde.
Bush Ğiraqtağı koalitsiä köçlärenä yaña küzläw mäğlümätläre tapşırıldı, alar ğisyançılarğa qarşı köräştä yardäm itärgä mömkin dide.
Bush Guantanamoda terrorçılıqta şiklänelüçelär yabıp totıla torğan törmäne yabarğa teläwen belderü belän ber ük waqıtta andağı totqınnan suğış qırlarında totıldı häm alar amerikalılar öçen qurqınıçlı dide.
