Quşma Ştatlar prezidentı George Bush bügen Giraqtağı xärbi operatsiäneñ kiläçäge turında söyläşülärne däwam itä. Ul televizion bäyläneş aşa Giraqtağı amerikan xärbi citäkçelege belän söyläşä. Waşingtonda Giraq vitse-prezidentı, sönni Tarek Äl-Xaşemi belän oçraşa. Kiçä Bush däwlät iminlege kiñäşçeläre belän söyläşte. Küptän tügel genä Giraqnı öyränü törkeme dip atalğan kongress komissiäseneñ Giraqtağı strategiäne üzgärtü täqdime belän xisabı iğlan itelgän ide.