Мәскәү – Бүген Мәскәүнең Гәйсә пәйгәмбәр чиркәвендә Рус православ чиркәвенең берләшүе турындагы документны имзалау тантанасы үтте. Әлеге документны Русия патриархы Алексий 2нче һәм Нью Йоркта урнашкан чит илдәге рус чиркәве җитәкчесе метрополит Лавр имзалады. Тантанада Русия президенты Владимир Путин да катнашты. Православ чиркәвенең икегә бүленүе узган гасырның 20-нче елларында руханиларның бер өлеше Русияне ташлап киткәч булган иде.
