Accessibility links

Кайнар хәбәр

İran prezidentı Möhammäd Xatami Hezbollah törkeme başlığı Şäix Xäsän Nasrallah belän oçraştı


Livanda 3 könlek säfärdä bulğan İran prezidentı Mohammäd Khatami bügen Hezbollah törkeme citäkçese, şäix Hassan Nasrallah belän oçraştı. Söyläşülärdän soñ Nasrallah, Livan suğışçılarınıñ Amerika Quşma Ştatları basımına birelep Hezbollah’ğa yardämen tuqtatmıyaçaq, dip belderde, häm Khatami’ğa, İsraelneñ 22 yıl däwam itkän okkupatsiäsenä qarşı suğışta İrannıñ yardäm itüe öçen räxmät äytte: “Belgänegezçä, İranğa da qurqınıç yanıy. Bez-İran, Süriä, Livan, qarşı toru xäräkäte häm Fälestin xalqınıñ berdäm buluın yaqlıybız. Qurqınıçlarğa qarşı bez berdäm bulırğa tieş, bez alarnı tulı cawaplılıq belän qarşı alırğa häm üz xoquqlarıbızdan baş tartmasqa tieş”, dide Hezbollah törkeme başlığı. 1979nçı yılğı İslam revolyutsiäsennän soñ Khatami, däwlät başlığı bularaq berençe tapqır Livanğa kilde. Amerika Quşma Ştatları Hezbollah suğışçıların, terrorda häm çik buyında İsrael ğaskärlärenä höcüm itüdä ğayepli.
XS
SM
MD
LG