İerusalim. İzrailneñ yuğarı citäkçeläre fälästin yağı belän aralaşunı yañartırğa riza buluwın belderä. İzrail qorallı köçläreneñ radiosı bügen saqlanu ministrı Şaul Mofaz kiläse atnada fälästin wäkilläre belän oçraşaçaq dip xäbär itte. Kiçä premyer-ministr Ariel Şaron da, İzrail fälästinlelär belän söyläşülärne yañartırğa äzer, ul alarda solıxqa ireşü öçen yaña mömkinlek kürä dip beldergän ide. İzrail yağınıñ şuşı süzlärenä fälästin idaräse älegä üz mönäsäbäten kürsätmäde. İzrail elegräk, Yäsir Arafat tarafınnan idarä itelgän fälästin xökümäte belän berqayçan da eş alıp barmayaçağın äytkän ide.
