Tähran. Comğa könne uzğan parlament saylawlarında ciñüne qadimi köçlär qazanırğa niätli. Berençel näticälär, İrannıñ yaña mäclesendä 290 urınnıñ küpçelegen näq menä alar alaçağına işarä itä. Reforma tarafdarları, Saqçılar Şurası 2.400-läp nämzätne saylanu xoquqınnan mäxrüm itkännän soñ tawış birüdä tämam qatnaşmasqa bulğan ide. Saylaw urınnarına kilüçelär sanı 1979-nçe yılğı islam inqilabınnan soñ bu yulı iñ tübäne buldı dip xäbär itelä. İrannıñ eçke eşlär ministrlığı mäğlümatına qarağanda, bar il buylap qatnaşu däräcäse 51 protsent tiräsendä bulğan, başqala Tähranda bu san 33 kenä tiräsendä.
