Xakäsiäneñ Yuğarı mäxkämäse respublika prokuraturasınıñ Yeniseyskiy şaxtası kümer kisüçelärenä qarata birelgän däğwa eşen tuqtattı. Kümer kisüçelär 12 könlek açlıq aksiäse ütkärep, tülänmägän eş xaqların taläp itkän ide. Kümer kisüçelärne şaxta eçendä barlıqqa kilgän qatlam suların çığarudan baş tartuda ğäyeplägännär. Ul sular şaxtanı häm Çernoğorskiy şähäreneñ toraq cirlären basıp kitü belän yanağan dip belderälär. Läkin soñınnan prokuratura üzeneñ däğwasın aktuallegen yuğatttı dip, kire qaytarğan. Bügen, açlıq aksiäsendä qatnaşqan ber xatın-qız yäkşämbe könne insulttan wafat buldı dip xäbär itälär.
