Däwlät Duması bügen berençe uqılışta Toraq kodeksı proyektın häm aña qağılışlı dokumentlar paketın qabul itte. Qanun avtorları, bu dokument qimmät bulmağan toraq alu mömkinlegenä yul açaçaq dip sanıy. KPRF häm Rodina fraksiäse deputatları, bu qanun proyektına qarşılıq yözennän utırışlar zalın taşlap çığıp kitte. Oppozitsiä fikerençä, xäzerge qanunğa kertelgän bu tözätmälär, alğa taba toraq xosulaştırunı tıyaçaq, häm sotsiäl kileşü nigezendä fatir alırğa xaqı bulğan keşelärneñ sanın kimetäçäk.
