İslamabad. Pakstannıñ xärbi citäkçelege, Äfğanstan çigendä üz qabiläsendä törle radikallarğa sıyınu birgän qabilä başlığın ütergännän soñ, andağı "äl-Qaidä"gä bäyle suğışçıların birelergä öndäde. Qabilä başlığı Nek Möxämmäd üzeneñ 7 tarafdarı belän atnakiç Wana şähäre yanında üterelgän ide. Pakstannıñ xärbi wäkile, qoralların tapşırğan oçraqta yarlıqaw Osama ben Laden suğışçılarına häm alarğa sıyınu birüçelärgä dä cäyelä dip belderde. Könyaq Wäziristan wilayäteneñ äfğan çige buyındağı paştun qabiläläre cirlärendä "äl-Qaidä"gä häm "Taliban"ğa bäylängän yözlägän çit il suğışçısı qaçıp yata dip farazlana.
