Comğa Tönyaq Osetiäneñ Beslan şähärendä qanlı waqiğalärdä hälak bulğannarnıñ 100dän artığı bügen cirlände. Ziratqa terror ğamäle qorbannarın cirlär öçen meñlägän keşe cıyılğan ide. Barlığı mäktäptä totıq alu faciğasendä 340qa yaqın keşe hälak buldı. İsän qalğannardan yaqınça 400 keşe xastaxanädä häm berniçä distä keşeneñ kem ikännäre açıqlanmağan. Beslan merı Boris Urtayev, Beslanda, xattä böten Tönyaq Osetiädä yaqın keşesen yuğltmağan ber genä keşe dä yuq ide," dide. Älegä qadär qayberäwlär üzläreneñ yuğalğan balaların häm tuğannarın taba almıy. Beslanğa mätäm çarasına Mäskäw merı Yuri Luzhkov, Tönyaq Osetiä prezidentı Aleksandr Dzasoxov, Rusiä parlamentı başlığı Sergey Grızlov, general' prokuror Vladimir Ustinov, Peterbur gubernatorı Valentina Matvienko kilgän ide. Matvienko, yuatırlıq süzlär yuq, dide. Bügen Beslanğa darular häm medetsina kiräk-yaraqları töyälgän ike amerakan oçqıçı kilde.
