Paqstan xärbiläre uzğan töndä Könayq Wäziristan wilayätendä yasağan hawa xöcümnäre näticäsendä kimendä 6 islamçınıñ ülüen xäbär itte. Paqstan armiäse wäkile general Şäwkät Soltan süzlärençä ülgännärneñ bese cirle, qalğan 5se - çit il keşeläre, läkin alarnıñ qaydan ikännären ul äytmäde. Tağın 5 çit ile keşese qulğa alınğan. Kiçä Soltan 50-läp suğışçınıñ üterelüen häm alar arasında da çit il keşeläre, şul isäptän üzbäklär, ğäräplär, çeçennar buluın äytkän ide. Ämmä üze äytüençä, cir öste xärbiläre ul xöcüm bulğan urınğa äle bara almağan. Paqstannıñ Tönyaq häm Könyağına islam suğışçıların bastıru maqsatı belän 70 meñläp xärbi cibärelgän.
