Bagdad. Bügen Ğiraq başqalasında yasalğan höcümnär öçen cawaplılıqnı üz östenä "äl-Qaidä"gä bäyle dip farazlanğan "äl-Täwhid wä Cihad" törkeme aldı. Mäğlüm Äbu-Ğraib törmäse qapqası yanında bulğan şartlaw näticäsendä anda ber keşe ülde, kimendä öçäw yaralandı. Törkem bügen yasalğan başqa höcümnärne dä üzeneke dip atıy, bu xaqta islamçılarnıñ İnternettağı ber säxifäsendä bäyän itelde. Ul arada amerikan köçläre bügen Bagdadnıñ üzäk uramında ğisyançılar belän bäreleşlär alıp bardı. Ülem-citem turında qarşılıqlı xäbärlär kilä, älegä 19-ğa yaqın keşe hälak buldı dip belderelde. Bagdadnıñ könyağında yatqan Ramadidä amerikan oçqıçları yasağan höcüm näticäsendä kimendä 10 keşe ülde dip xäbär itelä.
