Accessibility links

Кайнар хәбәр

Rusiä Dnestr buyı mäsäläsendä Moldovanı ğäyepli


Rusiä tışqı eşlär ministrı Sergei Lavrov bügen Moldovanı Dnestr buyı turındağı söyläşülärne totqarlawda ğäyepläde. Bu xaqta Lavrov Yevropada İminlek häm Xezmättäşlek Oyışmasınıñ räise Dimitrij Rupel belän oçraşu waqıtında belderde. Moldovanıñ küptän tügel berniçä Rusiä watandaşın şpionlıqta ğäyepläp ildän quuın Lavrov "qabul itelmäslek" xäl dip belderde. "Moldova räsmiläre Dnestr buyı kileşüenä ireşüne buldırmawnı ğına tügel, ä söyläşülärgä qomaçawlar öçen häm Rusiä-Moldova mönäsäbätlären naçaraytu öçen mömkin häm mömkin bulmağan barlıq çaralarnı da kürä digän täsir qala," dide Lavrov. Moldovanıñ könçığışında Ukraina belän çik buyında urnaşqan Dnestr buyı töbäge 1992nçe yılda 1500 keşeneñ ülemenä kitergä qısqa suğış näticäsendä ayrılıp çıqtı. Dönyada räsmi tanılmağan bu töbäkkä Rusiä yärdäm itep tora, xäzerge waqıtta anda 1800 Rusiä xärbie bar. Kişinew Mäskäwdän ğaskärlärne çığarunı taläp itä.
XS
SM
MD
LG