Yewropa Berlege citäkçeläre Holokost uydırma dip äytkän häm İzrail'ne Yewropağa yäki Tönyaq Amerikağa küçerergä çaqırğan İran prezidentı Mäxmüt Äxmädinicatnı xökem itär dip kötelä.
Brüssel'dä cıyılğan Yewropa Berlege citäkçeläre äzerli torğan belderü ölgesendä Äxämädinicatnıñ äykännäre tulısınça qabul itelmäslek dielä.
Hollandiä tışqı eşlär ministrı Ben Bot Berlektäge 25 ilneñ citäkçeläre aldağı atnalarda İrannıñ berlek illärendäge ilçelären çaqırtıp Äxmädinicat äytkännärgä räsmi protest belderäçäk dide.
İran eçke eşlär ministrı Mostafa pur Möxämmädi könbatış xökümäte Äxmädinicat äykännärne yalğış añlağan dide.
Ämma tışqı eşlär ministrı Manuchehr Mottaqi Äxmädinicat İrannıñ däwlät säyäsäten belderde dide.
