Tähran - İrannıñ yuğarı ruxi citäkçese Ayatulla Ali Xämenei, İran üz xaqlarınnañ waz kiçmäyäçäk, xalıqara yanawlarğa da baş iymäyäçäk dip belderde. Ayatulla yasağan çığışında İrannın atom programına maxsus basım yasamadı. Läkin İran räsmiläre İrannın atom programın däwam itterügä xaqı bar dip belderep atom tırışlıqların tuqtatudan baş tartıp kilä. Dönya köçläre bu atna İrannı atom tırışlıqların tuqtatu öçen yaña çikläwlär kertü turında kileşkän ide. AQŞ häm qaysıber könbatış illäre İrannıñ atom tırışlıqları arqasında atom qoralları citeşterü buluın däğwa itä. Läkin İran küp tapqır bu ğayepläwlärne kire qağıp, atom programının barı tik tınıç maqsatlarda alıp barıluın belderä.
